Llythyr 3.3.17

​Annwyl Rieni / Warcheidwad,
 
Mae’r wythnosau nesaf yn brysur felly dyma gofnod o drefniadau’r ysgol.
 
Ar ddydd Iau'r 23ain o Fawrth byddwn yn cystadlu yn yr Eisteddfod Rhanbarth yng Nghwm Rhymni. Bydd bws yn cludo’r dysgwyr draw o Ysgol Gwent Is Coed. Gall rhieni gasglu’r plant wedi iddynt gystadlu o Gwm Rhymni. Ni fydd bws yn dychwelyd i Ysgol Gwent Is Coed. Mae’r eisteddfod yn dechrau am 15.30 ac mae croeso ichi fynychu a chefnogi.
 
Rydym wrthi yn trefnu digwyddiad pontio gyda’r disgyblion cynradd ar yr 31ain o Fawrth yn y bore.
 
Trefnwyd noson rhieni ar gyfer nos Iau 30/3/17. Bydd y noson yn dechrau am 16.00 ac yn gorffen am 18.30. Byddwn yn cynnal y noson yn Neuadd Bro Teyrnon er mwyn hwyluso’r trefniadau. Hoffwn ofyn ichi flaenoriaethu'r staff rydych am weld. Bydd paned ar gael ichi ac fe fyddwn yn gofyn ichi nodi a ydych yn dymuno dod i’r sesiwn cynnar, canol neu hwyr. Rydym yn gobeithio y bydd ein Swyddog Lles a’r Cyswllt Heddlu Cymunedol hefyd yma er mwyn cael sgwrs.
 
Mae yna system drafnidiaeth un ffordd answyddogol ar Lon Bryn-glas ac fe fydd yn bosibl parcio ar iard yr ysgol yn ogystal ag yn y maes parcio newydd.
 
Mae’r tymor yn gorffen am 15.00 ar ddydd Gwener 7/4/17. Mae’r tymor newydd yn dechrau ar ddydd Llun y 24ain o Ebrill.
 
Rydym am gynnal y profion Cenedlaethol ar y diwrnodau canlynol. Bydd y profion yn digwydd yn ein hystafelloedd dosbarth, a heblaw am y diwrnod o ymgyfarwyddo a threfniadau eistedd a systemau’r profion, peth cyntaf yn y bore. Byddwn yn gweithio gyda’r dysgwyr fel eu bod yn ymgyfarwyddo a’r drefn. Rhoddwn restr o offer sydd angen arnynt ond mae’n bwysig sylweddoli nad ydynt yn cael mynd a ffôn symudol i’r ystafell arholiad felly byddwn yn casglu'r rhain ar ddechrau bob sesiwn.
 
 
 
Llun  24/4/17
Mocs
Trwy’r dydd gyda sesiwn lles a Chymreictod hefyd wedi amserlenni

Iau 27/4/17
Gweithdrefnol Maths
Bore dechrau tua 9am gorffen tua 10am

Gwener 28/4/17
Rhesymu Maths
Bore dechrau tua 9am gorffen tua 10am

Mercher 3/5/17
Cymraeg/ Saesneg Darllen
Bore dechrau tua 9am gorffen tua 10.40am

Iau 4/5/17
Saesneg / Cymraeg Darllen
Bore dechrau tua 9am gorffen tua 10.40am

 
Ni fydd yr ysgol ar agor ar Ddydd Llun Mai’r 1af.
 
Bydd digwyddiad Pontio tymor yr haf ar ddydd Iau Mai’r 25ain.
 
Yn ystod wythnos hanner tymor sef Llun y 30ain o Fai tan ddydd Iau'r 2il o Fehefin rydym yn gobeithio byddwn yn cystadlu yn yr Eisteddfod ym Mhen y Bont ar y dydd Mercher a/ neu Iau.
 
Dathlwn yr holl baratoadau trwy gynnal Eisteddfod ysgol ar Ddydd Llun Mehefin y 19eg.
 
Trefnwyd ymweliad a Techniquest ar ddydd Iau'r 29ain o Fehefin a chewch fwy o fanylion maes o law.
 
Bydd diwrnod HMS olaf y flwyddyn ar Ddydd Gwener 30/6/17
                                                                                   
Diolch am eich cefnogaeth barhaus,
 
Rhian Dafydd